Oleh:Negeri Paus Media
Puken susah pai pitan lango tukan, ti butuh tenhan haka nebong, go bekat leik lau kai,
Inak ata waden wala,
Turun payah pai taling uma yonen, ti laya bayo haka hadan, go iwa limak weli nai,
Lau tukan gike sama sili gike apadiken, ro kodi bua tukan lau kai,
Weli Lolon tepelate sama Lia lolon late nadimuren, ro kodi lolon haka kai,
Leik lodo sedan tanah, ola kabe hide pasa, ro pasa kai herun kala tudak,,
Ola kala inawae, ti ata rai boting atu, tedo kai boting atu, go boting ata koi hala, rai mete tekum todok,
Here haka kala ina sita, ti ata rai boran kota, dore kai boran kota, Go boran ata kewang kurang,
Rai mete oson odun,
Ro doan go sina ata lewun, peten go gelupang hala,,
Lelat go jawa ata tanah, sudih go keheing kurang,, go tokun tude ama Tuhan lerawulan, nuun Lau tena dai, gan ake na gaan tada amak ata pulo kae, amak tobo rong lewo tobo, tobo sampe go pana tueng,
apong sare kakak alawen tanah ekan, ti mayang rae tanah haka, ake na nenu hilin kakak ata lema kae, kakak pae rong tanah pae,, pae hingga go gawe balik, ro ama ooo, kala doan kabe denge surat tukan, kala lelat kabe litiw pono lolon, amak ata orang tua, tobang tiwang sama kebol ile alen tukan tua apadiken,, Ti letu matam go matak ata noi hala, odo naim go yonek ata lile kurang,
Ro puken nuba jadi taling hae mete rai tulis pulo di getan wati,. Turun nara surat lekat hae mete rai baca lema di gole kurang, ti ola doanek sina lewun, here lelatek jawa tanhan,, ro bekel ake pate onem,holay ake milu kiring ...
Ama oooo...,,,
Go tani neten tani tekum sampe Nisa pito tobang, go hutang Dieng hutang napheng hingga karang lema nai lekot ro dahe Kong mo dahe hala kaepi, turu tekedepa onem lau tanah tukan,tanah nabe tawok,tanah biliken teratu..
Lone tekelenge yonem,Lone lelat,lelat wato nabe pikut wato botingen puluh lema...
Ama oooo Pana pekenem dikae Pi, gawe lupangen di kae ni, ro Pana mang sare-sare lau tanah nakewokot.
Gawe mang mela-mela, Mela hingga weli nitu Heri neda....
